Свароўскі: гісторыя брэнду

Свароўскі – гэта легендарны аўстрыйскі брэнд, які сёння як і сто дваццаць год таму месціцца ў маляўнічым горадзе Вотэнсе. Сама кампанія і яе вытворчасць падзеленая на некалькі напрамкаў, сярод якіх Swarovski Crystal Business, які ў асноўным канцэнтруе ўвагу на шкляных крышталях для біжутэрыі і аксесуарах; Swarovski Optik, які займаецца вытворчасць аптычных інструментаў – тэлескопы, аптычныя прыцэлы для зброі, біноклі; і Tyrolit – мануфактура, якая спецыялізуецца на вытворчасці шліфавальных і свідравальных інструментаў ды машын.

На сённяшні дзень Swarovski Crystal Business прызнаны адным з самых хутка растучых бізнесаў, які па ўсім свеце налічвае дзесьці каля 2 800 крамаў у 170 краінах, больш за 30 000 наймальных праціўнікаў, што агулам прыносіць 3/2 мільярды еўра.

Гісторыя

Даніэль Свароўскі нарадзіўся ў паўночнай Багеміі (так, тая самая чэшская Багемія, якая вядомая сваім багемскім шклом) у 1862 годзе. Сёння горад Джыржэцін пад Буковай знаходзіцца ў Чэскай Рэспубліцы ў 20 кіламетрах ад польскай мяжы. Напрыканцы 19 стагоддзя ён быў часткай Аўстра-Вугорскай імперыі. Бацька Даніэля быў сценкаванльшчыкам крышталёў і меў невялічкую шкляную фабрыку. Ужо ў юнацтве Даніэль працаваў чаляднікам, дапамагаючы бацькі ды адшліфоўваючы свае навыкі ў мастацтве агранкі крышталя. У 1892 годзе ён запатэнтаваў электрычную шліфавальную машынку, якая значна спрашчала сценкаванне ў вытворчасці крыштальнага шкла.

У 1895 годзе Свароўскі, пры фундатарстве Арманда Козмана і Франца Вайса, заснаваў кампанію Swarovski, якая першапачаткова была вядомая як A. Kosmann, D. Swarovski & Co. ці скарочана KS & Co. Кампанія змясціла вытворчасць па сценкаванню крышталя ў Вотенсе (аўстрыйскі Тыроль), каб выкарыстоўваць гідраэлектрычную магутнасць у якасці асновы для энергіі. Таксама менавіта Даніэлю Сваровскі прыналежыць знакаміты вобраз «крышталя для кожнага», о агулам зрабіла крышталь вельмі папулярным і галоўнае - дасяжным.

У 1899 годзе кветка эдэльвэйсу выкарыстоўваўся ў якасці лога кампаніі, у тым ліку і на французскім рынку, і стаў вядомы як Pierres Taillées du Tyrol (Вытанчаныя камяні з Ціроля). У 1919 годзе Свароўскі заснаваў Tyrolit, каб засвоіць рынак прылад для шліфавальных інструментаў. Такім чынам, з’явілася два зусім розных напрамкі: крышталі і інструменты.

У 1935 годзе сын Даніэля – Вільгельм Свароўскі наладзіў масавы выпуск бінокляў, што было пачаткам новага напрамку – Swarovski Optik. Праз 14 год вытворчасць Swarovski Optik пачала масавы выпуск бінокляў і тэлескопаў. Надзя Свароўскі, прапрапраўнучка заснавальніка, з’яўляецца сяброўкай Рады дырэктараў. У 1977 годзе Свароўскі выйшаў на масавы ювелірны рынак ЗША.

Наша кампанія «Сіял Трэд» з’яўляецца афіцыйным пастаўшчыком крышталёў Свароўскі ў Беларусі з 2015 году.

Вытворчасць

Swarovski Crystal стварае бясконцую колькасць усяго: і крыштальныя скульптуры, і крышталі з стразамі, і хатні дэкор, і жырандолі. Але вядомы яны і шклянымі статуэткамі жывёл.

Пад уплывам папулярнасці шкляных постацяў арыгінальны лагатып Свароўскі – кветка эдэльвейсу, была замененая на постаць шклянога лебедзя ў 1988 годзе.

Крыштальнае шкло зроблена з сумесі кварцавага пяску, свінцовага сурыку, калію і соды, якія пад высокай тэмпературай плавяцца. Стварэнне крыштальнага шкла дазваляе святлу адлюстроўваць вясёлкавым спектрам. Вырабы Swarovski пакрываюцца спецыяльнымі металічнымі слаямі. Так, Aurora Borealis, вядомая як «AB», дае менавіта пералівы вясёлкавага спектру.

У 2014 годзе Swarovski прадставіў Xilion, запатэнтаваны від сценкавання, які аптымізаваны для стразаў (так званы від сценкавання для брыльянтаў «Ружа») і шатонаў (алмазнае сценкаванне).

Swarovski Group уключае ў сябе і Tyrolit (вытворчасць інструментаў для сценкавання і шліфавання; Swareflex (выраб светаадлюстроўваючых дарожных пазнак); і Swarovski Optik (аптычныя інструменты, такія як біноклі і аптычныя прыцэлы).

Кампанія мае тэматычны музей крышталю – Swarovski Kristallwelten, які знаходзіцца ў Вотэнсе.

• Напрамкі вытворчасці:
• Atelier Swarovski – модная і ювелірная дызайнерскі напрамак. Віктар і Рольф, Дан-Пол Гальтэр і Фрэдріксан Шталард стваралі калекцыі для кожнай калекцыі Atelier Swarovski.
• Schonbek – вытворчасць жырандолей.
• Swareflex – дарожныя пазнакі бяспекі.
• Swarovski – жывёльныя ды іншыя статуэткі з крышталя, арнаменты ды модныя аксесуары.
• Swarovski Crystal Palace – авангардныя распрацоўкі дызайну жырандолей, лямпаў і г.д.
• Swarovski Entertainment – гэта кінематаграфічны напрамак Swarovski.
• Swarovski Gemstone Business – стварэнне дызайну крышталёў. Па сутнасці гэта сэрца ўсёй вытворчасці.
• Swarovski Kristallwelten – музей Swarovski.
• Swarovski Lighting стварае пакрыццё для асвятляльных прыбораў і растворы з крышталямі для архітэктуры.
• Swarovski Optik – оптыка.
• Swarovski Professional – крыштальныя элементы, створаныя з Свароўскі.
• Touchstone Crystal – прамая продаж кампаніяй ужо гатовых ювелірных вырабаў.
• Tyrolit – вытворчасць інструментаў для сценкавання.

Цікавосткі пра Swarovski:

Swarovski фундаваў у 2004 годзе фільм «Прывід оперы», у якім жырандоля створаная з крышталямі Swarovski. Пасля бачна вітрына крамы Swarovski ў фільме. У час падзеяў сімвалам Swarovski была кветка эдэльвейсу. Але ў фільме быў прадстаўлены лагатып у вобразе лебедзя, які на той час не выкарыстоўваўся.

У 2009 годзе ў дакументалцы «Гэта ўсё» Майкл Джэксан рэпетаваў канцэрт у строі, які быў пакрыты крышталямі Swarovski.

У знакамітым фільме «Джэнтэльмэны аддаюць перавагу бландзінкам» Марлін Манро была не ў брыльянтах, але ў Swarovski. Знакамітую песню «Брыльянты – лепшыя сябры дзеўчын» яна пела таксама ў крышталях Swarovski.

Дарэчы, у якасці каштоўных камянёў Swarovski выступаюць і ў знакамітым фільме «Сняданак ля Ціфані».

Брэнд Swarovski актыўна падтрымлівае развіццё жанчын. Надзя Свароўскі, першая жанчына ў Радзе дырэктароў Swarovski, з’яўляецца амбасадарам міжнароднага руху «Жанчыны для жанчын», што падтрымлівае ўзмацненне ролі жанчыны ў бізнесе.